من مشكاة النبوة (4) في مهنة أهله - باللغة النيبالية

موضوع الخطبة : من مشكاة النبوة (4) في مهنة أهله

शीर्षक:

आफ्नो परिवारको घरायसी काममा सघाउनुहुन्थ्यो [नबवी प्रकाश ४]

प्रथम प्रवचन:

﴿ الْحَمْدُ لِلَّهِ الَّذِي لَهُ مَا فِي السَّمَاوَاتِ وَمَا فِي الْأَرْضِ وَلَهُ الْحَمْدُ فِي الْآخِرَةِ وَهُوَ الْحَكِيمُ الْخَبِيرُ ﴾ [سورة سبأ: 1] ربنا لك الحمدُ ملءَ السماواتِ والأرضِ وملءَ ما شِئتَ من شيءٍ بعدُ، وأشهد ألا إله إلا الله وحده لا شريك له وأشهد أن محمدا عبد الله و رسوله من اتبعه واقتدى به تطهّر قلبه و جَـمُل لفظه، وسمتْ نفسه صلى الله وسلم عليه وعلى آله وأصحابه والتابعين ومن تبعهم بإحسان إلى يوم الدين.

प्रशंसा र प्रार्थना पश्चात:

म स्वयं आफैंलाई र तपाईंहरु सबैलाई अल्लाहको डर [ईशभय] राख्ने वसीयत गर्दछु

﴿ فَمَن يَعْمَلْ مِنَ الصَّالِحَاتِ وَهُوَ مُؤْمِنٌ فَلَا كُفْرَانَ لِسَعْيِهِ وَإِنَّا لَهُ كَاتِبُونَ ﴾ [الأنبياء:94].

अनुवाद: अनि जो आस्थावान भएर सत्कर्म गर्छ उसको कामको उपेक्षा हुने छैन । र हामी त्यो लेखिरहेका छौं ।

परम दयालुका सेवकहरू! पैगम्बरको घरेलु जीवनबारे छलफल गरौं, त्यो घर जसबाट बाट अल्लाहले सबै अशुद्धता हटाईदिनुभयो र यसलाई पूर्ण रूपमा सफा बनाईदिनुभयो । ईमानवालाहरु का श्रध्येय मुमा आइशा [रजीअल्लाहू अन्हा] ले खोल्नुभएकी आँखीझ्यालबाट यस घरलाई नियालौं , जब केही अनुयायीहरूले उहाँलाई तीं महान व्यक्तित्वको बारेमा जिज्ञासा राखे जसको काँधमा यस उम्मतको भार थियो जब उहाँ घर प्रवेश गर्दा र ढोका बन्द भएको बेलाको अवस्था कस्तो थियो?

अल-बुखारीले आफ्नो सहिहमा हजरत अस्वदको हदीस उद्धृत गरेका छन्, उनी भन्छन्: मैले आयशालाई पैगम्बरको घरायसी गतिविधिको बारेमा सोधे र उनले भनिन्: उनी आफ्नो परिवारको सेवामा व्यस्त रहन्थे र जब प्रार्थनाको समय आईपर्थ्यो उहाँ प्रार्थना गर्न जानुहुन्थ्यो ।

मुस्नद अह्मद्को हदीस छ कि हजरत आइशालाई प्रश्न गरियो, “अल्लाहका पैगम्बर घरमा के काम गर्नुहुन्थ्यो?” उनले जवाफ दिईन, “: उहाँ मान्छे मध्ये एक व्यक्ति हुनहुन्थ्यो, जुम्राबाट सावधान रहन आफ्नो लुगा आँफै ओल्टाई पल्टाई हेर्नु हुन्थ्यो, बाख्राको दुध दुहुनु हुन्थ्यो, आफ्नो व्यक्तिगत काम आफै गर्नुहुन्थ्यो । (अल-अल्बानीले यसलाई सहिह भनेका छन्) (सहिह इब्न हिब्बानमा यी शब्दहरू आएका छन्: "उनी आफ्नो जुत्ता आँफै बाँध्ने गर्थे, आँफै लुगा सिलाउने गर्थे र आँफै भाँडाहरू मर्मत गर्थे।"

मेरी प्रिय दाजुभाइहरु! : केहि बेर रोकिएर केहि बुँदाहरुमा विचार विमर्स गरौँ

पहिलो बुँदा: "उहाँ मान्छे मध्ये एक व्यक्ति हुनहुन्थ्यो" त्यसैले उहाँ नेता र शासकको रूपमा नभई एक पतिको रूपमा घरमा प्रवेश गर्नुहुन्थ्यो, आफ्नो परिवारसँग शान्तिपूर्ण वैवाहिक जीवन बिताउनु भयो र पारिवारिक जीवनको सादगी र सरलताको आनन्द लिनुभयो ।

दोस्रो बुँदा: उनी भन्छिन्: " उहाँ आफ्नो परिवारको सेवामा व्यस्त हुनुहुन्थ्यो।" यहाँ एउटा प्रश्न उठ्छ, हाम्री आमा आइशा (रअ) लाई कामको कठिनाइ यति बिघ्न थियो र कि त्यसकालागि पैगम्बरले उनको सेवा र सहयोग गर्नुपरेको थियो? के उनको कोठाको पर्खालहरू एकसाथ नजिक थिएनन् र?, यसको आकार धेरै सानो थिएन र?, वास्तवमा यसको लम्बाइ दस हात भन्दा बढी थिएन र यसको चौडाई सात हात भन्दा बढी थिएन! जसको नाप आजको गणना अनुसार करिब पाँच मिटर (लम्बाइ) र साढे तीन मिटर (चौडाई) छ! जुन आज हाम्रो घरमा एउटा मात्र कोठा बराबर हुन्छ ! ।

के उनले भनेकी छैनन् र कि तीन महिना बितिसक्दा पनि खाना बनाउन घरको चुल्हो बल्दैनथ्यो भनेर? ! कहिले दुई महिना र कहिलेकाहीं अझै बढी समय बित्यो! तर खाना पाक्दैनथ्यो खानपिनको नाममा केवल खजूर र पानी मात्रै हुन्थ्यो !

साथै, उनी एउटी युवावस्था कि केटी थिइन् जसको बच्चा पनि थिएन! त्यसोभए त्यहाँ कडा परिश्रम आवश्यक पर्ने काम के हुन्थ्यो र ? के गर्न को लागी सहयोग चाहिने कार्य हुन्थ्यो होला र?

आश्वस्त हुनुहोस् (यसको उदेश्य) गहिरो अर्थ को कार्यान्वयनमा सहयोग गर्नु हो, जुन वैवाहिक जीवनमा पारस्परिक सहानुभूति र पारस्परिक सहभागिताको अभिव्यक्ति हो, र पत्नीसँग सन्तुष्टि प्राप्त गर्नुका विभिन्न अर्थमध्ये मुख्य सहभागिताको प्रदर्शन हो ।

﴿ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا ﴾ [الروم: 21].

अनुवाद: र, उनका निशानीहरूमध्ये यो पनि रहेको छ कि उनले तिमीहरूकालागि तिमीहरूकै सहजातिबाट तिमीहरूका जोडी बनाए ताकि तिमीहरू तिनीहरूबाट सन्तुष्टि प्राप्त गर ।

अल्लाहले यसो भनेका छैनन्: ताकि तिमीहरू तिनीहरूका साथ बस्न सक ।

तेस्रो बिन्दु: हामी झ्यालबाट पैगम्बरको त्यो घर देख्छौं जुन क्षेत्रफलमा एकदमै सानो थियो, जसको सर-सामान धेरै सामान्य थिए, तर त्यहाँका घरवालाका ठूलो हृदय, खुला विचार, पारस्परिक प्रेम र सहयोग पर्याप्त थियो । जसबाट सुख, आनन्द र पवित्र जीवनको मुहान बग्द थियो ।

अगमवक्ता को जीवनीबारे आइशा [रज़ियल्लाहू अन्हा] को यो भनाइ छ, “उहाँ ﷺ तपाईहरु जस्तै एक मानिस हुनुहुन्थ्यो, तर उहाँ धेरै हँसिलो र हर्षित हुनुहुन्थ्यो ।" उहाँमा तिक्तता क्रोध थिएन, यध्यपी उहाँको घर आध्यात्मिक सुन्दरता र सौन्दर्य र मुस्कान गर्ने क्षमताले भरिपूर्ण थियो ।

चौथो बुँदाः पत्नीलाई साथ् दिनका लागि पतिको पहल र उसको पत्नीलाई सघाउन अघि बढ्नुमा पत्नीको मन मस्तिष्कमा ठूलो स्थान र हैसियत बनाउँछ, उसको उपस्थिति पत्नीका लागि आनन्ददायी हुन्छ र उसको अनुपस्थितिले पत्नीमा अभाव र डर पैदा गर्दछ ।

मेरा प्रिय दाजुभाईहरु ! आफ्नो वैवाहिक जीवनमा उदासीपन र सुख्खा महसुस गर्ने व्यक्तिले नबीको यो शिक्षाबाट लाभ उठाउनुपर्दछ ताकी आफ्नी पत्नीलाई साथ् दिएर र हँसिलो अनुहारले उसको सामना गर्नु जस्ता जादुमय ब्यबहारबाट आफ्नो जीवनमा न्यानोपन सौहार्द्रता थप्न सक्षम् होस् ।

अल्लाहले मलाई र तपाईंहरू सबैलाई किताब र सुन्नतबाट लाभान्वित गरून्, यसका मार्गदर्शन हाम्रालागि उपयोगी बनाउन्, अल्लाहसँग आफ्ना पापबारे माफी माग्नुहोस्, निश्चित रूपमा उहाँ अत्यन्त क्षमा गर्ने वाला हुनुहुन्छ ।

दोश्रो प्रवचन:

الحمد لله القائل ﴿ لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيراً ﴾ [الأحزاب: 33] وصلى الله وسلم على الرحمة المهداة والنعمة المسداة محمد بن عبد الله وعلى آله وصحبه.

प्रशंसा र प्रार्थना पश्चात

पैगम्बरको जीवनको यो सन्तुलनले हामीलाई कति अचम्ममा पार्छ कि अल्लाहका रसूल ] प्रायः मानिसहरूको अगाडि मुस्कुराउनुहुन्थ्यो, आफ्नो घरमा हर्ष र अनुहारमा मुस्कान लिएर बस्नुहुन्थ्यो र घरमा पारिवारिक काममा व्यस्त हुनुहुन्थ्यो । उहाँ मानिसहरूका लागि सबै भन्दा सर्वोत्तम हुनुहुन्थ्यो र परिवारको लागि मानिसहरूमध्ये सर्वश्रेष्ठ हुनुहुन्थ्यो ।

यो सन्तुलन को अभाव ती मानिसहरुमा रहन्छ जो अन्य मानिसहरुसंग भने नम्र व्यवहार गर्दछन, तर आफ्नो परिवार संग भने कठोर र संकीर्ण व्यवहार गर्दछन । अगमवक्ता मुहम्मद ﷺमाथि अल्लाहको आशीर्वाद र शान्ति होस् जसका आचरण सबै मानिसहरूका लागि समान थियो, र उहाँका परिवारका सदस्यहरू उहाँको असल आचरणबाट सबैभन्दा बढी लाभान्वित थिए ।

महोदय! यो नबवी शिक्षा ती हरेक व्यक्तिका लागि खुला सन्देश छ जसले ‘कव्वामियत’ अर्थात बर्चश्व/नेतृत्व लाई गलत बुझेका छन् । अनुचित प्रभुत्वको अभिव्यक्ति फैलाउनको लागि दुरुपयोग गर्नेहरूका लागि खुला सन्देश हो, विशेष गरी उनीहरूलाई देख्दा पनि तिनीहरू क्रोधित देखिन्छन् र जब तिनीहरूलाई सुनिन्छ, तिनीहरू आदेश वा गाली दिइरहेका हुन्छन ।

अन्तिम कुरा: अल्लाह हाम्री आमा आयशा [रजियल्लाहू अन्हा] सँग प्रसन्न होउन, जसलाई पैगम्बरको मृत्यु पछि लगभग आधा शताब्दीसम्म बाँच्ने अवसर ईश्वरले प्रदान गर्नुभयो, उनी पैगम्बरको घरको लागि एक प्रबुद्ध ज्योति बनिन् जसको माध्यमबाट उम्मत-ए- मुहम्मदियाहले उनीहरूको अगमवक्ताको जीवन शैली स्पष्ट रूपमा देख्न सके , अल्लाह उहाँसँग प्रसन्न होउन र उम्मत-ए- मुहम्मदियाह को तर्फ बाट सबैभन्दा राम्रो र सबैभन्दा उत्तम इनाम प्रदान गरुन ।

दुरुद र सलाम पढ्नुहोस् ...

सल्लल्लाहू अलैही व सल्लम