{فاذكروا آلاء الله لعلكم تفلحون} (باللغة الأردية)

(اللہ کی نعمتوں کو یاد کرو تاکہ تم کو فلاح ہو)

ترجمه

سيف الرحمن التيمي

إن الحمد لله نحمده ونستعينه ونستغفره ونعوذ بالله من شرور أنفسنا ومن سيئات أعمالنا من يهده الله فلا مضل له ومن يضلل فلا هادي له وأشهد أن لا إله إلا الله وحده لا شريك له وأشهد أن محمدا عبده ورسوله. ﴿ يَاأَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ ﴾ [آل عمران: 102]. ﴿ يَاأَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَاءً وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ إِنَّ اللَّهَ كَانَ عَلَيْكُمْ رَقِيبًا ﴾ [النساء: 1] ﴿ يَاأَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا * يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا ﴾ [الأحزاب: 70، 71].

حمد وصلاۃ کے بعد: سب بہترین بات اللہ کی کتا ب ہے، اور سب سے بہترین طریقہ محمد ﷐ کا طریقہ ہے، سب سے بدترین چیز دین میں ایجاد کردہ بدعتیں ہیں اور ہر بدعت گمراہی ہے۔

اے ایمانی بھائیو! اللہ کا ایک ایسا حکم جسے اللہ نے بار بار ذکر کیا ہے، جس کو یاد رکھنے سے غم واندوہ کا بار ہلکا ہوجاتا ہے، ایک ایسا امر جسے یاد کرنا بذات خود عبادت ہے، نیز اس پر غور وفکرکرنے سے بندہ کے اندر اطاعت کی رغبت اور معصیت سے تنفر پیدا ہوتا ہے! لیکن ہم اس سے غفلت برتتے ہیں، اس لئے کہ ذکر کی مجلسوں سے ہمارا تعلق کم ہے، مختلف قسم کی مناسبتوں،نوع بنوع کے مشاغل اور مصروفیات سے ہم زیادہ وابستہ ہیں۔

اس سے مراد نعمتوں کو یاد کرنا ہے! اللہ پاک نے ہود علیہ السلام کی زبانی ارشاد فرمایا: ﴿ فَاذْكُرُوا آلَاءَ اللَّهِ لَعَلَّكُمْ تُفْلِحُونَ ﴾ [الأعراف: 69].

ترجمہ: اللہ کی نعمتوں کو یاد کرو تاکہ تم فلاح ہو۔

اور دوسری جگہ پر اللہ تعالی نے صالح علیہ السلام کی زبانی فرمایا: ﴿ فَاذْكُرُوا آلَاءَ اللَّهِ وَلَا تَعْثَوْا فِي الْأَرْضِ مُفْسِدِينَ ﴾ [الأعراف: 74]

ترجمہ: اللہ تعالی کی نعمتوں کو یاد کرو اور زمین میں فساد مت پھیلاؤ۔

اور سورۃ رحمن کے اندر ۳۱ آیتوں میں یہ دہرایا گیا ہے: ﴿ فَبِأَيِّ آلَاءِ رَبِّكُمَا تُكَذِّبَانِ ﴾ [الرحمن: 73].

ترجمہ: (اے انسانو اور جنو!) تم اپنے پروردگار کی کس کس نعمت کو جھٹلاؤگے؟

آئیے ہم اللہ کی بعض نعمتوں کو یاد کریں، کیوں کہ انہیں یاد کرنا بھی عبادت، سعادت اورتقوی واطاعت کا راستہ اور وسیلہ ہے۔

ایک شخص یونس بن عبید کے پاس آیا اور اپنی تنگ دستی کی شکایت کرنے لگا، یونس نے اس سے عرض کیا: "کیا تم اس سے خوش ہوگے کہ تمہیں اس آنکھ کے بدلے جس سے تم دیکھتے ہو، ایک لاکھ درہم دئے جائیں؟ اس نے کہا: نہیں، یونس نے کہا: تم اپنے ہاتھوں کے بدلے ایک لاکھ درہم سے خوش ہوگے؟ اس نے کہا: نہیں، یونس نے کہا: اپنے پاؤں کے بدلے؟ اس نے کہا: نہیں، راوی کا بیان ہے: یونس اس شخص کو اللہ کی نعمتیں یاد دلاتے رہے اور اخیر میں عرض کیا: تمہارے پاس لاکھوں دراہم ہیں اور تم تنگ دستی کی شکایت کرر ہے ہو!

وہب بن منبہ فرماتے ہیں: "آل داود کی حکمت میں لکھا ہوا ہے: "عافیت، پوشیدہ بادشاہت ہے" ۔

رحمن کے بندے! اگر تمہیں کوئی غم لاحق ہو اور تمہارا دل تنگ پڑ جائے تو اللہ کی نعمتوں کو یاد کرو، تمہیں شرح صدر اور سعادت محسوس ہوگی!

میں ایک مسلمان ہوں، سننے، دیکھنے، چلنے، بولنے، سونگھنے، سوچنے، پڑھنے، لکھنے کی صلاحیت سے بہرہ ور ہوں، اہل سنت والجماعت میں سے ہوں، میں معروف ماں باپ کا فرزند ہوں، میرے بھائی اور بہنیں ہیں، تمام رشتہ دار، دوست واحباب، بیوی، اولاد، ہدایت وراستی، کاروبار وملازمت، عافیت وسلامتی، گاڑی وسواری، امن وامان، خوردونوش، بجلی، اطمینان، حکمت اور فراست، ہسپتال اور علاج اور ان کے علاوہ بھی بہت سی نعمتیں ہیں (جن سے میں لطف اندوز ہو رہا ہوں)...اور سب سے بڑی نعمت اللہ پر ایمان لانا ہے۔

رحمن کے بندے! ہسپتالوں میں کتنے ایسے مریض ہیں جو آپ کی عافیت کی طرح عافیت کے متمنی ہیں! قید خانوں میں کتنے ایسے قیدی ہیں جو آپ کی آزادی کی آرزو کرتے ہیں! پناہ گاہوں میں کتنے ایسے پناہ گزیں ہیں جو آپ کے نرم وگرم بستر کا خواب دیکھ رہے ہیں، قبروں میں کتنے ایسے مدفون ہیں جو آپ کی زندگی کی مہلت چاہتے ہیں! کتنے ایسے ان پڑھ ہیں جو آپ کی طرح پڑھنے لکھنے کے خواہش مند ہیں، ناخواندگی کی وجہ سے ان کی معلومات کا دائر ہ محدود ہے! معلومات کی بحث وتحقیق ان کے لئے امر ِ دشوار ہے!

رحمن کے بندے! یہ کتنی بڑی عبادت ہوگی کہ آپ ہمیشہ ان نعمتوں کو یاد رکھیں جو اللہ نے آپ پر دین، صحت، جسم اور آپ کے گردو نواح کے حوالے سے کئے ہیں! بعض اسلاف کا کہنا ہے:" نعمت کو یاد کرنے سے اللہ عزوجل کی محبت پیدا ہوتی ہے"۔ حسن رحمہ اللہ فرماتے ہیں: "ان نعمتوں کو کثرت سے یاد کرو، کیوں کہ انہیں یاد کرنا اللہ کا شکر بجالانا ہے"۔

اللہ تعالی مجھے اور آپ کو قرآن کی برکت سے بہرہ ور فرمائے....

دوسرا خطبہ

الحمد لله المحسن المنان، الكريم الرحمن وأشهد ألا إله إلا الله الواحد الديان وأشهد أن محمدا عبده ورسوله إلى الأنس والجان صلى الله عليه وعلى آله وصحبه وسلم تسليما كثيرا.

حمد وصلاۃ کے بعد!

ایمانی بھائیو! دور حاضر میں جو نئی نعمتیں پائی جاتی ہیں، ان میں صعنت وحرفت کی تمام تر شکلیں بھی داخل ہیں، میں آپ کو ان میں سے صرف چند کی یاد دہانی کرا رہا ہوں، آپ اپنی زندگی کو ان سے ہٹا کر دیکھیں تو آپ کو بڑی دشواری محسوس ہوگی!

گاڑی، سڑکیں، کروس لائٹ، گھڑی، اے سی، بلب، اے ٹی ایم، کمپیوٹر، فیکس مشین، ٹیلی فون، موبائل، موبائل میں استعمال ہونے والے مختلف اپلیکیشن، ٹیلی ویزن، انٹرنٹ، طبی آلات، مائکروفون، واشنگ مشین، بوائلر، ہیٹر، الکٹرک چولہا، فریز، واٹر کولر، مکسر مشین، واٹر بوائلر، ٹرک، کرین، ہوائی جہاز، اسٹیمر، کھڑکی اور اس کے مختلف آلات، برتن اور اس کی مختلف قسمیں، لباس وپوشاک اور اس کے متنوع اقسام اور اس طرح کی ایک لمبی فہرست!

دورحاضر میں جو جدید نعمتیں پائی جاتی ہیں ان میں یہ بھی شامل ہے کہ طب، تحقیقات، علاج ومعالجہ اور (درد) دور کرنے والی دواؤں کے میدان میں کافی ترقی ہوئی ہے، اللہ تعالی کا فرمان ہے:

﴿ وَسَخَّرَ لَكُمْ مَا فِي السَّمَاوَاتِ وَمَا فِي الْأَرْضِ جَمِيعًا مِنْهُ إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ ﴾ [الجاثية: 13].

ترجمہ: آسمان وزمین کی ہر ہر چیز کو بھی اس نے اپنی طرف سے تمہارے لیے تابع کردیا ہے، جو غور کریں یقینا وہ اس میں سے بہت سی نشانیاں پالیں گے۔

ان سب سے بڑی نعمت یہ کہ (ہمیں ) نعمت ِ اسلام حاصل ہے، جب کہ کائنات کی اکثریت کفر کی حالت میں ہے! آپ اللہ کی تعریف بیان کریں کہ اس نے آپ کو صرف اپنی عبادت کی توفیق دی جس کا کوئی شریک نہیں: ﴿ فَكُلُوا مِمَّا رَزَقَكُمُ اللَّهُ حَلَالًا طَيِّبًا وَاشْكُرُوا نِعْمَتَ اللَّهِ إِنْ كُنْتُمْ إِيَّاهُ تَعْبُدُونَ ﴾ [النحل: 114].

ترجمہ: جو کچھ حلال اور پاکیزہ روزی اللہ نے تمہیں دے رکھی ہے اسے کھاؤ اور اللہ کی نعمت کا شکر کرو اگر تم اسی کی عبادت کرتے ہو۔

درود وسلام پڑھیں...

صلی اللہ علیہ وسلم