كشمير: الجمعية الخيرية تقدم مساعداتها للمسلمين

دارالخیرکی سرگرمیاں جاری

انجینئرنگ ٹیم نے بٹہ مالو میں کام کاج کا جائزہ لیا

سرینگر//دارالخیر میرواعظ منزل کے شعبہ انجینئرنگ کی ٹیم نے بٹہ مالو سرینگر جاکر تعمیری سرگرمیوں کا جائزہ لیا تاہم ٹھیکہ دار نے نامساعد حالات کے سبب تعمیرمیں رکاوٹوں اور تاخیر کیلئے معذرت پیش کرتے ہوئے یقین دلایا کہ عنقریب یہ تعمیری پروجیکٹ مکمل کیا جائے گا۔واضح رہے کہ دارالخیر 2014 کے تباہ کن سیلاب سے حد درجہ متاثرین کیلئے ’اکھ اکس‘ پروگرام کے تحت مقامی مسجد شریف کی کمیٹی کی سفارش کی بنیاد پر کئی علاقوں میں رہائشی مکانات تعمیر کر چکا ہے اور آجکل بٹہ مالو میں 7 رہائشی مکانات کی تعمیر میں مصروف ہے ۔ دریں اثنا دارالخیر نے ایک بار پھر اصحاب خیر اور صاحب ثروت افراد سے اپیل کی ہے کہ وہ سیلاب متاثرین کی بحالی اور باز آبادکاری کیلئے دارالخیر پروگراموں کی عمل آوری کی خاطر بھر پور مالی معاونت کا سلسلہ جاری رکھےں تاکہ شہر سرینگر کے بعد سیلاب سے متاثرہ دیگر اضلاع کے متاثرین کی داد رسی ممکن ہو سکے ۔